وفا کے قیدخانوں میں سزائیں کب بدلتی ھیں
بدلتا دل کا موسم ھے ھوائیں کب بدلتی ھیں
لباد٥ اوڑھ کر غم کا نکل جاتے ھیں صحرا کو
جواب آئے کہ نہ آئے ، صدائیں کب بدلتی ھیں
سروں پر دھوپ ھے غم کی، دلوں میں وحشتیں کتنی
ھمارے دل کے صحرا کی فضائیں کب بدلتی ھیں
میری ساری دعائیں تم سے ھی منسوب ھیں جاناں
محبت ھو اگر سچی دعائیں کب بدلتی ھیں
کوئی پاکر نبھاتا ھے ، کوئی کھو کر نبھاتا ھے
نئے انداز ھوتے ھیں ، وفائیں کب بدلتی ھیں
نوشی گیلانی