واہمہ۔۔۔۔۔۔

واھمہ ۔۔۔

رات جاگی تو کہیں صحن میں سوکھے پتے
چرمرائے کہ کوئی آیا ، کوئی آیا ھے!!
اور ھم شوق کے مارے ھوئے دوڑے آئے
گو کہ معلوم ھے ؛ تو ھے نہ ترا سایہ ھے

ھم کہ دیکھیں کبھی دالان ، کبھی سوکھا چمن
اس پہ دھیمی سی تمنا کہ پکارے جائیں
پھر سے اک بار تری خواب سی آنکھیں دیکھیں
پھر ترے ھجر کے ھاتھوں ھی بھلے مارے جائیں

ھم تجھے اپنی صداؤں میں بسانے والے
اتنا چیخیں کہ ترے وھم لپٹ کر روئیں
پر ترے وھم بھی تیری ھی طرح قاتل ھیں
سو وھی درد ھے جاناں ، کہو کیسے سوئیں؟

بس اسی کرب کے پہلو میں گزارے ھیں پہر
بس یونہی غم ؛ کبھی خاصے ؛ کبھی تھوڑے آئے
پھر اچانک کسی لمحے میں جو چٹخے پتے
ھم وھی ، شوق کے مارے ھوئے دوڑے آئے

 

Leave a Reply

Your email address will not be published. Required fields are marked *

Back To Top