وَفائے وَعدہ نہیں ٫ وَعدۂ دِگر بھی نہیں
وہ مُجھ سے رُوٹھے تو تھے ٫ لیکن اِس قَدر بھی نہیں۔
بَرس رَھی ھے ٫ حَریمِ ھَوس میں ٫ دَولتِ حُسن
گَدائے عِشق کے کاسے میں ٫ اِک نَظر بھی نہیں۔
نہ جانے کِس لیے ٫ اُمیدوار بیٹھا ھُوں
اک ایسی راہ پہ ٫ جو تیری رھگُزر بھی نہیں۔
نِگاہِ شَوق ٫ سَر بَزم بے حجاب نہ ھو
وہ بے خبر ھی سہی ٫ اِتنے بے خَبر بھی نہیں۔
یہ عہدِ تَرکِ مَحبت ھے ٫ کِس لیے آخِر؟
سُکونِ قَلب اِدھر بھی نہیں ٫ اُدھر بھی نہیں۔
❞فیض اَحمّد فیض❝
