اک کرب مسلسل کی سزا دیں تو کسے دیں
مقتل میں ھیں جینے کی دعا دیں تو کسے دیں
پتھر ھیں سبھی لوگ کریں بات تو کس سے
اس شہر خموشاں میں صدا دیں تو کسے دیں
ھے کون کہ جو خود کو ھی جلتا ھوا دیکھے
سب ہاتھ ھیں کاغذ کے، دِیا دیں تو کسے دیں
سب لوگ سوالی ھیں سبھی جسم برھنہ
اور پاس ھے بس ایک رِدا ، دیں تو کسے دیں
جب ہاتھ ھی کٹ جائیں تو تھامے گا بھلا کون
یہ سوچ رھے ھیں کہ عصا دیں تو کسے دیں
بازار میں خوشبو کے خریدار کہاں ھیں
یہ پھول ھیں بے رنگ بتا دیں تو کسے دیں
چپ رھنے کی ھر شخص قسم کھائے ھوئے ھے
ھم زہر بھرا جام بھلا دیں تو کسے دیں